PAGSAPIT ng umaga, pinilit ni Tad na baliwalain ang mga nangyari kagabi sa kaniyang ospital. Wala siyang tulog dahil pumapasok sa isipan niya ang mga nangyari at ang nalaman niya tungkol kay Shan at sa kambal. Dahil sa galit na meron sa puso niya, pinilit niyang patigasin ang puso niya. Mas nag-uumapaw ang kagustuhan niyang mabigyan ng hustisya ang mga doktor niya na pinatay nina Shan, kahit pakiramdam niya ay mali ang ginagawa niya. Mabigat sa pakiramdam niya pero dahil sa naguguluhan na ang isipan niya ay mas nai-entertain ni Tad ang galit na nararamdaman niya.
Pumasok siya sa ospital niya na parang walang nangyari, maayos siyang nagta-trabaho at itinutok ang atensyon niya kay Blue at kay ToV na nagising na sa dalawang araw nitong pagkakatulog. Ipinapakita niya sa Phantoms na okay siya,
