Salitang huni ng mga ibon ang sumalubong sa kaniyang paggising. Ilang segundo siyang hindi tuminag habang pilit na hindi pinapansin ang kirot na nadarama sa kaniyang balikat. Kinapa niya ito at nilingon. Doon niya nakitang wala siyang damit pang-itaas at nakabenda ang kaliwang balikat.
Natatakpan lamang ng kumot ang pang-itaas na bahagi ng kaniyang katawan.
Bigla siyang napabangon at agad na dinampot ang baril na nakapatong sa side table. Hindi pamilyar sa kaniya ang paligid pero kakatwang wala siyang panganib na nararamdaman nang mga sandaling iyon. Tumayo siya at mabilis na kumilos para makapagbihis. Dinampot niya ang isang cotton shorts at kulay dilaw na t-shirt na halatang inihanda para sa kaniya saka niya mabilis na tinungo ang pintong sa tingin niya ay kanugnog na banyo.
Bahagya
