"Bastard! Napakabobo mo, Antonio! Hindi ka ba nag-iisip?! Binigyan mo lang ng palaisipan ang babaeng iyon kung papaano napunta sa crime scene ang punyal!" Nanggagalaiti sa galit si Melissa. Halos mabasag niya ang lahat ng naroroon sa loob ng library kung hindi lamang siya inawat ng Antonio.
"Don't touch me, you idiot!" Patuloy pa rin ito sa pagwawala at nang makita ang isang vase ay agad nitong dinampot iyon at ibinalibag sa isang sulok. Basag iyon at lumikha ng malakas na tunog. Wala nang nagawa pa si Antonio.
Isang malakas na sampal ang biglang tumama sa pisngi ng babae.
"Sumosobra ka na, Melissa! Tantanan mo na ang pagmumura sa akin at baka hindi na'ko makapagpigil sa'yo at hindi lang 'yan ang magawa ko!" Sininghalan na rin siya ng lalaki.
Pero hindi pa rin natinag ang babae. Mala
