Chapter 52
“Malinaw ang naging pakikipag usap ko kay Dianne at sa mga magulang niya na iaatras lang nila ang kaso kung magagarantiyahan ko na babalik ka na ng Singapore at hindi na siya muling guguluhin at pumayag na ako kahit hindi pa kita nakakausap ayoko na kasing tumagal pa ang pananatili mo dito sa loob ng kulungan baka mamaya ay makarating pa kay Lilia at sa mga anak mo mas lalaki pa ang gulo,” paliwanag ni Romina kay Rupert.
Tinitigan lang ng blangko ni Rupert ang kapatid wala siyang maisip na itugon sa ginawa nitong desisyon alam niya na kapakanan lang niya ang iniisip nito at pinoproteksyunan lang din nito ang kanyang mga anak.
“Pag labas mo dito bukas ay nakahanda na ang ticket mo pabalik ng Singapore ngayon yung inaasikaso mong pagbebenta ng mga ari-arian ay ako na ang mag-aa
