Bisperas ng kasal nina Cleo at Bryan. Mag-isa lang noong si Cleo sa suite niya sa Valle Hotel. Tahimik lamang siyang nakaupo sa harap ng isang vanity mirror. Pinagmamasdan ang sarili. May lungkot ang mga mata ng babaeng nakikita niya na naka-reflect doon. Ilang beses siyang bumuga ng hangin. Bukas na ang araw ng pag-iisang dibdib nila ni Bryan. Wala ng atrasan iyon. Nakapagdesisyon na siya. Nakapili na siya ng lalaking handa niyang makasama sa habang panahon at habang buhay. Lalaking kailangan niyang pag-alayan ng kaniyang puso at isip.
“Cleo, don’t worry. Starting tomorrow, everything will be alright,” bulong niya sa sarili. “You have to be happy and contented. Bryan is a good man and he loves you so much. What you need to do is just accept him with all your heart!”
Matapos sabihin iyon
