Tacenda’s Point Of View
Pagbalik ko sa condo ko, sa likod ko ulit ng building pinark ang kotse ko saka ako pumasok sa pinto roon na dating lock. Na-discover ko lang ‘yon ng mga nakaraang buwan since napapagod akong umakyat sa lubid kapag pabalik na ako. Matapos masigurong na-lock ko ang kotse, dire-diretso na akong pumasok sa loob. Walang elevator doon kaya naman ay hagdan pa ang ginamit ko kaya ilang minuto pa ang lumipas bago ako makarating sa taas.
Nang makarating ako sa pinto kung saan ako lumalabas tuwing galing ako sa labas, bahagya ko iyong binuksan para silipin kung may tao. Baka kasi kung lumabas ako nang basta-basta at may tao, magtaka kung bakit ako lumabas doon. May sign sa mismong pintuan na bawal pumasok ngunit sadyang matigas ang ulo ko kaya hindi ko sinusunod ‘yon. Pagka
