Special Chapter 2: Irah and Faust
Irah Fidel's POV
Bagong lipat. Bagong pamilya.
Kung bakit naman kasi kailangan pang maghiwalay ng mga magulang ko? Bakit pa sila magpapakasal tapos maghihiwalay din pala? Tapos ano? Kaming mga anak nila ang apektado.
Tulad ngayon, dahil ayaw tumanda mag-isa ng Ama ko at ayaw mawalan ng nagsisilbi sa kaniya ay nag-asawang muli. At dahil ako ang nag-iisang lalaking anak at wala pa sa tamang edad ay wala akong choice kung hindi sumama sa kaniya. At ang kapatid ko namang si Isabel ay kay Mama sumama.
At ngayong araw ay nakatakdang dumating ang bago niyang asawa at ang dalawang anak nito sa unang asawa.
Tanda ko pa noong ipinakilala ni Papa sa akin ang napangasawa niyang si Patricia. See? Ni hindi nga niya sinabi sa akin na magpapakasal siyang muli
