“TALAGA bang sasama ka sa akin ngayon, Vivianne?” tanong naman ni Sharlene sa kanya.
Tanging tango lamang ang kanyang iginanti, desidido na siya at hindi na kailanman magbabago ang iniisip niya ngayon. Naka – leave siya sa trabaho niya ng isang araw, at babalik naman siya kung kaya ng kanyang katawang pumasok sa lunes.
Hindi na nag – atubili silang dalawa ngayon. Nagtungo sila sa mansion ng kaniyang lola, napabuntong – hininga na lamang siya. Ngayon lang siya ulit makakapasok sa mansion na ito na pinamumugaran ng mga mapait na alaala.
Pagpasok na pagpasok niya sa gate may nakita siyang isang masayang batang babaeng naglalaro sa malawak na harden, alam niyang nakapasok na siya sa nakaraan ng alaala ng mansion na tinatapakan nila ngayon.
Huminga na muna siya nang malalim. Ihahanda na mun
