"Baby..."
Ang nag-aalalang mukha ni Gian ang nabungaran ko nang magmulat ako ng mga mata. Nang igala ko ang paningin ay halos puti ang nakikita ko, nasa ospital ako.
"A-Anong nangyari?" kaagad na tanong ko at nagtangkang bumangon.
"Hey... kagigising mo lang." Mabilis n'ya akong inalalayan pasandal sa headboard ng kama. "Nahimatay ka kanina pagkatapos mag-fit ng wedding gown."
Hindi ko alam kung nasaang ospital kami ngunit nasisiguro kong private room ang kinalalagyan ko ngayon. Halata naman dahil sa linis at ganda ng silid.
Tumango ako. Kaagad kong naalala ang mga nangyari bago ako tuluyang mawalan ng malay. Hindi ko nga alam kung bakit bigla na lang na nagdilim ang paningin ko. Ang tangi kong naramdaman ay nanghina ako nang sobra kanina.
Sinilip ko ang suot. Hindi na ako naka-weddin
