-Uno
Nang magising ako, napangiti kaagad ako dahil nasa tabi ko siya, mahimbing na natutulog. Ang sarap sa pakiramdam ng ganito. Ang sarap sa pakiramdam na yakap yakap ko siya. Ang sarap sa pakiramdam na magkadikit iyong mga balat namin.
Ibinaon ko iyong mukha ko sa likod niya saka ko siya yinakap sa bewang nang mas mahigpit para mas maramdaman ko pa iyong katawan niya, iyong init niya. Para patunayan ko sa sarili ko na gising ako, na hindi ako nananaginip, na katabi ko talaga siya, na may nangyari talaga sa amin.
Gustuhin ko man na huwag nang matapos itong nararamdaman ko, alam kong mamaya lang, kapag nagising na siya, tapos na ito. This feeling is short-lived. Kaya sa ngayon, habang nararamdaman ko pa ito, susulutin ko na kasi hindi ko alam kung kailan mauulit ito.
O, baka nga hindi
