Akala niya ay maghihintay pa siya ng ilang buwan bago ang kanyang kasal sa simbahan. Pero ito siya ngayon naglalakad habang hawak ang kanyang kamay ng kanyang mga magulang. Yung Mama niya na panay ang atungal, yung Daddy naman niya na akala mo ay ang tikas tikas kanina pa pulang pula ang ilong sa pagpipigil ng iyak.
Di niya alam na kasal niya ngayon, kaninang madaling araw lang sinabi sa kanya ng asawa. Kaya naman nag iiyak siya kanina na inaway ito, mabuti nalang at magaling ang make up artist na kinuha ng asawa at di halata ang pamamaga ng kanyang mga mata.
"Ma, tama na ang iyak para naman akong mamamatay niyan." Reklamo niya. Agad naman siya nitong kinurot.
"Baliw kang bata ka, naiiyak lang ako kasi naihatid kita sa altar, akala kasi namin ng Daddy mo e mga apo nalang ang maihatid na
