"Ganda yarn?"
Napalingon ako mula sa pag-aayos ng maikli kong buhok sa salamin kay Julienne.
Roommate na kami ngayon dito sa maids' quarter sa likod ng malaking bahay nina Kiro at Kenzo.
Kahapon ako lumipat pagkarating namin galing pagpagupit at pakulay ng buhok ko pero ngayon lang nakita ni Julienne itong bago kong look kasi umuwi siya sa bahay nila kahapon at ngayon lang nakabalik.
Mabuti at napapayag ko si Kiro rito na ako tumuloy at kagabi nga ang unang gabi na natulog akong mag-isa.
Nakakapanibago, parang di ako sanay gayong ilang linggo ko lang naman mula noong nakakatabi ko iyong kambal sa pagtulog.
Mas mabuti na ring di ako sa malaking bahay tumuloy para na rin respeto sa desisyon ni Kenzo.
Kahit ayaw kong umalis ng bahay nila ay ayaw ko rin namang ipagsiksikan ang sarili k
