"Lilipat tayo ng bahay," malinaw na pahayag ni Kiro pagkauwi namin galing sa hospital.
Matapos ang ilang minuto kong pagngawa roon ay bigla akong natauhan. Wala pala ako sa audition ng isang drama series... nasa hallway ako ng isang private hospital at nakakahiya sa makakita lalo na at dinamay ko pa ang isang Kiro Carson.
Kaya ayon, niyaya ko na lang si Kiro na umuwi kami pero ko naman inakalang bigla siyang magdesisyong lilipat ng bahay.
"Bakit?" nagtataka kong tanong.
Napasunod ako sa kanya nang umakyat siya sa taas. Dire-diretso soya sa kwarto naming tatlo no'ng lalaking pinasya ko nang bitiwan dahil iba ang gustong alagaan.
Ipinilig ko ang ulo dahil ayoko nang magdrama ulit. Kotang-kota na ako sa kakaiyak. Masakit na iyong mga mata ko baka di na bumalik sa rati ito at manatiling m
