Napatay ng mga pulis sa engkwentro ang mga miyembro ng sindikatong pumatay kay Andreiu. Tinutugis na rin ng mga ito ang leader ng sindikato. Pero para kay Ava, hindi pa sapat lahat ng iyon para mabigyan ng hustisya ang buhay ng kaisa-isa niyang kapatid. Kahit yata masunog sa impyerno ang mga criminal na iyon ay kulang na kulang pa bilang parusa. Nang ianunsyong wala na nga talaga si Andreiu, hindi niya iyon kinaya at nawalan siya ng malay. Mabuti na lang at maagap siyang nasalo ni Liam na kararating lang noon sa ospital. She felt so weak and numb. Kahit sa mismong burol na nito'y hindi pa rin niya magawang makipag-usap sa mga taong nakiramay sa kanila.
“Kuya is here…” bulong sa kaniya ni Eury habang nakaupo sa tabi niya sa harap ng burol ni Andreiu.
Hindi siya kumilos para lapitan ang ka
