Monica’s Point of View
KASALUKUYANG nakaupo kami sa malaking sofa ni Kent habang nilalantakan naming dalawa ang pizza na in-order niya kanina. Kasabay niyon ang panunuod din namin ng TV habang tahimik lang kami na naroon sa sofa.
Walang nagkikibuan sa amin, wala ring gustong magsalita. Tahimik lang kami habang nakatutok ang mga mata namin sa pinapanuod naming palabas sa plasma TV.
Nang oras ding iyon ay hindi ko pa rin maipaliwanag sa sarili ko kung ano ang nararamdaman ko. Natutuwa ako na nangangamba na nagdadalawang-isip. Matapos ko kasing umamin kay Kent na mahal ko rin siya, napaiyak na lang din siya sa sinabi ko at mahigpit niya akong niyakap.
Pagkatapos niyon ay natagpuan ko na lang ang mga sarili namin sa ganitong sitwasyon. Gusto ko sanang magsalita upang hindi ako masyadong ma
