ANDROMEDA
"We're here."
Lulan kami ng sasakyang Ford Mustang. Ang nagmaneho ay si Sulphur samantalang ang nasa front seat ay si Argon. Si Radon ay umupo sa backseat kasama ko. Habang si Neon naman na hindi ko hinihinging sumama ay sumama pa rin. Mag-isa siya sa pulang Ferrari niya. Ayaw kasi niyang makisabay sa Ford Mustang ni Radon, masikip na daw---na ikinatuwa ko naman na sinabi niya. Para hindi ko siya makita habang nasa byahe.
Nilingon ako ni Argon. "Sigurado ka bang gusto mong pumasok?"
"Ngayon pa ba ako aatras?"
"Pwede kung gusto mo, Ada."
I sighed. "Nandito na tayo. Handa ako."
Ako na mismo ang nagbukas ng pinto sa gilid ko. Nakita kong lumabas na rin si Neon mula sa kanyang kotse. Sinabayan ni Sulphur, hanggang sa lumabas na rin ang
