KJ
NAPANGITI ako nang pumasok na ang aming sasakyan sa compound ng mansiyon nina Ninong Jess. Kahit wala akong maalala sa mga nakaraan ko. Ramdam kong malapit talaga sa puso ko ang Pilipinas at ang pamilya ni Ninong Jess. Malaki ang utang na loob ko sa kanila dahil hindi nila ako pinabayaan. Kung tutuusin mas marami pang oras ang inilalaan ni Ninong Jess sa akin kaysa sa tunay niyang pamilya, bagay na ipinagpapasalamat ko sa kanya nang husto.
Pumasok na kami sa loob at sinalubong kami ng pagbati ng mga naninilbihan sa mansiyon. Pagbungad ko sa living room area ay nakita ko agad sina Ninang, Cathy at ang anak nitong si Lance. Napangiti ang mga ito nang makita ako.
“Hi, Kuya!” Sinalubong ako ni Cathy at niyakap nang mahigpit.
“Kumusta?” tanong ko.
“Happy siyempre. Welcome home, Kuya, I
