“Magpasalamat ka sa matandang iyan dahil nagmakaawa siyang huwag kang ipakulong. Alam mo kung hindi lang dahil sa kanya, mabubulok ka talaga sa kulungan!” Sigaw sa akin ng Mommy ni Stephanie.
Napatingin ako kay Aling Kora, dapat ko ba talaga siyang pasalamat o dapat kamuhian dahil sa kasinungalingan niyang sinasabi? Wala akong kasalanan, kung tutuusin ako ang biktima dito pero bakit parang ako ang may kasalanan ng mga lahat lahat? Si Stephanie, ang totoong may kasalanan nito at hindi ako. Dalawang araw na akong naka confine dito sa ospital at nakarating na rin sa akin na umuwi na si Stephanie sa kanila. Napakasama talaga ng babaeng iyon. Bumalik pa siya talaga at pinalabas na siya ang biktima?
Napatingin ako kay Collin na nakasandal sa pader habang nakatingin sa kawalan. Alam ko na nagug
