Hindi tumitigil sa pagtatalak si Aling Kora sa akin ng malaman niyang pinuntahan ko si Collin. Galit na galit siya lalo ng malaman niyang nandoon rin si Stephanie at nag-away pa kaming dalawa doon.
“Hindi ba pinagsabihan na kita, Jerlyn? Ano naman ang pakialam mo kung ano ang mangyayari sa kanila? Naintindihan ko ang concern mo kay Collin, dahil mahal mo siya pero sana nakinig ka sa akin dahil maari kang mapahamak.” Aniya.
Napabuntong hininga ako bago sumagot. “Aling Kora, karapatan niyang malaman ang totoo.”
“Huwag ka ng mag rason Jerlyn, baka naman gusto mo lang ipaalam kay Collin na buntis ka sa anak ninyong dalawa kaya ka naparoon!” Sagot naman nito.
“Hindi po. Kawawa naman si Collin kapag magpaloko lang siya sa babaeng iyon. Wala naman akong ginawang masama ah. Sinabi ko lang na h
