"Girl, kumain ka muna. May dala ako ritong pagkain," saad ni Cel. Wala akong gana pero kailangan kong pilitin ang sarili ko dahil simula nu'ng pumunta kami rito ay 'di pa rin ako nakakain. Tinanguan ko naman siya at pumunta sa maliit na mesa sa gilid. Nakatingin lang ako kay papa.
Halos madurog ang puso ko nang makita ang hitsura niya. Ang sabi ng doctor ay stable na siya. Hinihintay na lang namin na magising siya.
May dalang pagkain mula sa isang fast food chain kaya kumain na rin ako.
"Tinawagan ka ba ni, Simon?" tanong ko sa kaniya. Hindi pa rin pumupunta rito si Leon. Baka ano na rin ang nangyari sa kaniya. Hindi ko siya mapuntahan at nawala na lang sa isip ko kanina. Malaki ang utang na loob ko sa kaniya. Kung wala siya baka hindi na namin naabutang buhay si papa.
"H-hindi eh,
