Hindi ko alam kung paano napapayag ni Leon si Papa na magbakasiyon kami. Hindi niya naman siguro tinakot o ano.
Tiningnan ko si Leon na nagmamaneho ng sasakyan. Cool lang siya at panaka-naka ang tingin sa 'kin. Nginitian ko naman siya nang tipid at napatingin sa labas. Napangiti ako nang makita ang liwanag na unti-unting kinakain ng dilim. Hindi ko alam kung saan ako dadalhin ni Leon. Naniniwala naman ako sa kaniya. Alam kong hindi niya ako idi-disappoint. Ilang oras pang biyahe namin ay natanaw ko na ang dagat sa hindi kalayuan. Wala na ring mga bahay sa paligid. Napangiti ako nang masamyo ko ang malamig na hangin sa aking pisngi.
Dinamdam ko ang lamig ng gabi at sobrang saya sa pakiramdam. Huminto kami sa isang cabin. Bumaba na ako at kaagad na napangiti nang marinig ang munting alon
