Ilang araw na ang lumipas pagkatapos ng mainit na tagpong iyon sa pagitan namin ni Dexter, ay lalo akong nababahala para sa sarili ko. Natatakot ako sa posibleng may mabubuong bata sa aking sinapupunan.
Halos gabi-gabi na rin kung magkita kami ng palihim sa bar at iyon ay dahil sa tulong ni Mamang Sandra. At simula no'ng may mangyari sa amin ay hindi ko pa rin nababanggit kay Myrna ang tungkol dito, dahil alam kong magagalit ito sa ginawa namin ni Dexter. Ngunit isang gabi ay hindi ito sumipot sa aming usapan kaya lalo akong nag-alala, lalo na at wala rin itong paramdam sa text o tumawag man lang.
"Girl, bakit parang aligaga ka yata? Kanina ka pa hindi mapakali," wika ni Brenda sa akin.
"Si Dexter kasi, hindi man lang tumawag o nag-text," ani ko rito na panay ang sulyap ko sa aking ce
