Peace
Celeste's POV
Hindi ko alam kung ilang minuto kaming nanatili sa loob ng kuwarto matapos ang almusal.
Hindi rin namin sinubukang bilangin.
Parang sa unang pagkakataon sa loob ng napakaraming taon, wala kaming hinahabol na deadline. Walang meeting. Walang script. Walang article. Walang tawag. Walang mundo sa labas ng pintuan ng resort.
Kami lang.
Nakaupo ako sa harap ng vanity habang marahang sinusuklay ang buhok ko. Nasa salamin ang repleksiyon ni Diego. Nakaupo siya sa dulo ng kama habang abala sa pagre-review ng ilang email sa tablet niya. Nakakunot-noo siya sa una, ngunit maya-maya ay napangiti at mabilis na nag-type ng ilang sagot bago isinantabi ang gadget.
"Done?"
Lumingon ako.
"Done."
Tumayo siya at lumapit sa likuran ko. Hindi siya nagsalita agad. Hinayaan niya lang
