TULALA AKONG nagmaneho pabalik ng mansion. Kabado ako at hindi mawala-wala sa isip ang nakita kong family picture nila Annika kasama ang ina ni Louis. Magkatabi silang nakaupo ng ina ni Annika habang kandong nito ang batang babae at nasa likuran nila nakatayo ang ama ni Annika.
Para akong wala sa sariling katinuhan na pumasok ng kwarto. Hindi ako mapakali lalo na't sari-saring emosyon ang nararamdaman ko. Naku-curious ako kung anong ugnayan ng ina ni Louis kina Annika? Magkamag-anak kaya sila? Pero bakit casual lang naman silang mag-usap sa tuwing magpapang-abot sila.
Kinabukasan, tinanghali na akong nagising. Nakatulugan ko na nga ang kakaisip sa kung anong ugnayan ni Auntie Cath sa pamilya ni Annika.
Matapos kong naligo ay tumuloy na ako ng opisina. Pagpasok ko ng office, natigilan a
