HINDI tumagal si Mia sa bahay ni Renny matapos siyang ipasundo kay Marta. Mommy niya ang nag-utos. Pagdating sa bahay nila ay nadatnan niyang magkatabing nakaupo sa sofa ang mga magulang niya. Hinihintay siya ng mga ito.
Walang kagalak-galak na humarap siya sa mga ito. Nakasuot pa siya ng pink dress na dinublehan niya ng toga.
"Congratulations, Anak!" bati sa kaniya ni Leehan.
Hindi niya alam kung ikatutuwa ba niya ang narinig. Bumati rin ang mommy niya pero alam niyang hindi iyon bukal sa loob ng ginang or something guilt wrapped on her mother's face. Hindi tuloy niya alam kung ipasasalamat ba niya ang pagpapasundo sa kaniya habang nagkakasiyahan sa kabilang bahay.
Nawalan siya ng ganang maupo para makipagkuwentuhan sa mga ito. Wala rin naman siyang ibang narinig maliban sa pagbati
