Tahimik kaming pareho ni Raphael sa loob ng kanyang sasakyan. Nagpaubaya ako kung saan niya ako dadalhin. Hanggang ngayon ay nanginginig pa rin ang katawan ko at nangangalit ang kalooban sa muntikang pagkakapahamak kay Froilan.
Nagulat ako nang pumasok kami sa isang tila villa. May magkakatabing maliliit na bahay.
"Dito na ako nakatira. Kalilipat ko lang," sagot niya sa katanungnag nasa isip ko. "Dito ka muna kung hindi mo pa maharap ang kaibigan mo," sabi niyang nginitian ako. Bigla ang pagkabog uli ng puso ko. Ngiti pa lamang niya, naghuhemerantado na naman iyon. Alam kong attracted ako kay Raphael. Sa kanya ko nararamdaman ang isang damdamin na sa una, ayaw kong bigyan ng pansin. Pero dahil sa pagsulpot-sulpot niya sa buhay ko, hindi ko mapigilan ang pagsibol ng isang damdaming alam
