"Mauugnay si Merlita dito, Liegh. Malakas ang kutob kong may kinalaman ang kapatid mo sa lahat ng pangyayari sa nakaraan."
Bagsak ang panga ko sa sinabi ni Attorney. Pinagdududahan niya ang kapatid ko?
"Kung totoo ang hinala ko, maaring kinidnap ka niya..."
Lalong nalaglag ang panga ko sa sinabi pa ni Attorney. Hindi maproseso ng isip ko ang nalaman. Ang sabi ni Attorney, may lead kung nasaan kami pero lagi silang nahuhuli at nawawala ulit kami. Naalala kong ilang beses kaming lumipat-lipat ng bahay. Ilang beses kaming parang kriminal na patago-tago, bago makilala ni Mama ang napangasawa niya na naging dahilan kung bakit napermanente kami.
Nagpalit ng pangalan si Mama sa tulong ng mga namemeke ng dokumento. Ako, hindi niya nagawang papalitan. Baka nga totoo ang sinabi ni Attorney.
N
