Albrey
"Albrey, you look different from what I remember," may pagtatakang saad ni Tracy nang makaupo na ako sa kaharap na upuan at nagtapat na ang aming mukha sa harap ng mesa. Taimtim niya akong pinagmamasdan habang nakangiting sinasabi iyon. I thought about it and smile a little.
"Different?" tanong ko at tumango siya ng marahan. Naroon pa rin ang matamis na ngiti sa mga labi niya.
"In what way?" muling tanong ko at bahagya siyang sinulyapan pagkatapos ay dinampot ko na ang menu book at inumpisahan ko nang buklatin iyon at pumili ng order.
"You seem warmer. Has everything been okay?" Tuluyan naman akong napatunghay sa kan'ya dahil sa sinabi niyang iyon. Bahagyang kumunot ang noo niya at bakas sa mukha niya ang curiosity. Sa tingin ko ay hindi naman ganoon kalaki ang pagbabago ko.
