Mag-iisang linggo na ang nakakalipas matapos ang pangyayari, nakabalik na rin sila sa Maynila dahil ini-insist talaga ni Mhalia na bumalik na sila.
"Ano pa gagawin natin rito? Malamang ay nakatakas na siya at wala na rito, mas mabuti kung bumalik na tayo sa maynila," naalala niyang sulsol nito kay Major Isagani.
Nasa may isang restaurant sila malapit sa hotel, magkatabi ang dalawa habang sa kabilang bahagi naman siya ng mesa.
"Siguro nga," tugon na lamang ni Major Isagani.
"Oo, isa pa'y magsasayang lang tayo rito ng oras, kilala ko ang kapatid ko, malamang ay tumakas na iyon at hindi na babalik rito, at malamang sa malamang sa Maynila ang punta nun," dugtong pa ng babae habang nakakapit sa braso ni Major Isagani na animo'y anaconda kung makaligkis.
Huminga siya ng malalim at napa
