Rezxca's POV:
"P-parang...parang awa ninyo na…huwag ang anak ko. Ako na lang."
"Kapag sinabi naming kayong dalawa. KAYONG DALAWA. Hindi ka ba makaintindi sa katagang winika ko?"
"H-hindi…anak…"
"M-ma…ma, na-natatakot ako."
"Pa-parang awa ninyo na...palayain ninyo ang anak ko."
"M-ma...h-hindi pa ako handa..."
Mabilis akong pumagitna sa kanila nang mapansin na paalis na naman sila kasama ang mag-ina na nag-iiyakan. Humihingi sila ng oras pa para sa bawat isa ngunit wala man lamang ang nakikinig sa kanilang hinanaing.
"Tama na iyan. Hindi ba kayo naaawa sa mag-ina na dinadala ninyo na parang mga basura?" Malamig kong tanong sa kanila at tiningnan ang bawat isa.
Napansin ko ang pagkagulat ng mga ito. Mga mapapangit na nga ang mukha, mas lalong pumangit pa nang magulat. Palakang-pala
