Third Person's POV:
Malapit na si Einai sa pinakatore ng pader na ito. Marami na ring dugo ang lumalabas mula sa kaniyang kamay dahil sa labis na pagkasugat sa mga matutulis na bato. Hindi rin nakaligtas sa kaniya ang likuran na patuloy na sumasakit sa labis na paglaki ng kanina'y maliit lang na hiwa.
Napapapikit na lang siya at lumalabas ng maraming buntong-hininga. Malapit na rin siya sa pagkasuko sa mga oras na ito, pero may naririnig siya sa kaniyang isipan na mga boses galing sa kung saan. Mga kataga na silbing may humahanap pa sa kaniya.
Alam niya kung sino ang mga ito. Ito lang ang unang beses na may tumawag sa pangalan niya kaya labis-labis ang tuwa ng kaniyang puso. Para bang may nagpupursige na ipagpatuloy niya pa ito upang maialis sa sakit ang taong humihingi ng tulong sa kan
