Kleyan's POV:
Ilang oras na kaming nakakulong sa bakal na rehas na ito. Hindi alam kung ano ba talaga ang sasapitin naming lahat. Kitang-kita na sa mukha ng mga babae ang takot, namumutla na sila at hindi na mapakali sa kanilang kinauupuan dahil sa mga bagay na nasa harapan namin.
May pitong lamesa na may nakalagay na palakol, itak, lampagan at gayon din ay tali. Parang nanonood lang ako ng mga carnival na pinapahirapan muna ang kanilang biktima hanggang sa sila ay magsawa.
'Hindi maganda ang magiging kamatayan namin sa kanila. T*ngna!'
"I-I…a-ang hirap huminga. P-parang sinasakal ako." Naiiyak na ani Reden sa magkapatid sabay yakap kay Raven na tahimik lang sa tabi.
Napayuko na lang ako upang hindi makita ang kanilang mga mukha. At saka napayukom na lang ng aking kamao. Sana naging m
