Kinaumagahan ay nagulat pa ako nang puntahan ako ni Daphne sa kuwarto ko para gisingin. Niyugyog niya ang mga balikat ko hanggang sa imulat ko ang mga mata ako. Para tuloy akong nabadtrip sa ginawa nito.
“Ano ba ‘yon, sis? Ang aga-aga pa lang, eh,”reklamo ko. Kinuha ko uli ang kumot ko saka nagtalukbong. Sobrang inaantok pa kaya ako. Pero tinanggal lang uli ni Daphne ‘yon. Bigla tuloy akong nainis kaya sinimangutan ko siya.
“Sis, tingnan mo ito, oh,” anitong may ipinapakita sa cp niya. Tinapunan ko lang saglit ‘yon ng tingin pero hindi ko naman masyadong pinagtuunan ng pansin. Wala dun ang isip ko. Ang gusto ko ngayon matulog ulit. Parang hapong-hapo pa rin kasi ang katawan ko.
“Ano ba kasi ‘yan?” medyo inis kong sabi. Inaantok pa talaga ako kaya parang ang sama tuloy ng mood ko. Ikaw
