Pauwi pa lang ako sa bahay sa mga oras na ito. Pagkatapos ko kasing lumabas ng studio ay dumiretso muna ako sa supermarket. May mga ipinapabili kasi si Mama sa akin na kailangan sa kusina kaya wala akong choice kundi pumunta saglit doon. Ang nakakaiinis pa nung magbabayad na ako ay nataong sobrang haba ng pila. Halos lahat ng counter ay puno. Kaya naman sobrang natagalan talaga ako sa loob. Pinakaayaw ko pa naman ang naghihintay kaya asar na asar talaga ako kanina. Paglabas ko nga ay madilim na, e. Samantalang nung pumasok ako sa loob ay medyo maliwanag pa. Kabwiset talaga! Kaya ayaw ko talagang nagpupunta ng supermarket dahil nakakainip.
Nagulat pa ako nang pagdaan ko sa bahay nina Allycia ay nakasindi ang mga ilaw doon. Pati sa garahe nila at garden ay nakailaw din na ipinagtaka ko. Usu
