PAGKALABAS na pagkalabas ni Francez ng silid niya nang umagang iyon ay nagulat na lang siya nang biglang may humablot sa kamay niya at tumatakbong hinatak siya.
Nanlalaki ang mga mata at kinakabahang napatingin siya sa lalaking humahatak sa kanya ngunit agad ding nabura ang lahat ng takot na nararamdaman niya nang makilala kung sino iyon. Parang lumukso pa ang puso niya nang masilayan ang gwapong mukha ni Prince na bahagyang pasulyap-sulyap pa sa kanya habang tumatakbo nang tumatawa.
Ang ganda tuloy ng gising niya dahil ito ang unang mukhang nakita niya ngayong araw. Makita lang niya ito, pakiramdam niya'y masaya at buo na ang araw niya.
"Good morning my angel girlfriend!" nakangiting bati nito sa kanya habang patuloy lang ito sa pagtakbo at paghatak sa kanya.
"Good morning too my ang
