ILANG oras na ang nakalipas ngunit hindi pa rin mabura-bura ang ngiti sa labi ni Francez. Sa totoo lang, mukha na siyang baliw. Pero wala siyang pakialam. Basta masaya siya. And nothing can ever take that happiness away from her.
Ilang oras na ang nakalipas matapos nitong sabihin iyon pero may aftershock pa rin siyang nararamdaman.
"Francez, ano bang iningingiti-ngiti mo r’yan? Kanina ka pa ganyan."
Natigilan siya sa narinig. Tila noon lang siya natauhan. Mula sa pagkakangalumbaba habang tulalang nakangiti sa kawalan ay inilipat niya ang tingin sa nagsalita. Kumunot ang noo niya nang makita ang nanunuksong ngiti ng dalawang kapatid ni Prince na sina Kuya Patrick Louivan at Philip Louigie. Tumikhim muna siya.
"Ahm," nag-isip siya ng maisasagot. "Wala naman kuya.
"Wala raw," nanunuksong
