GUSTONG hatakin ni Francez ang kamay sa mahigpit na pagkakahawak doon ni Prince ngunit hindi niya magawa dahil sa takot na baka bulyawan siya ng binata.
Pero grabe, nasasaktan na siya. Wala ba itong pakiramdam para hindi nito iyon mapansin? O talagang naging manhid na ito dahil sa matinding galit? At bakit nga ba ito nagagalit? Wala naman silang masamang ginagawa nung lalaki.
Nang makapasok sila sa kwarto nito ay ubod lakas nitong isinara ang pinto. Napapikit siya ng mariin dahil sa nakabibinging ingay na likha ng malakas na pagkakasara niyon. Naramdaman pa niya ang malakas na hangin na humawi at nagpagalaw sa ilang hibla ng buhok niya.
Nagpatuloy ito sa paghatak sa kanya. Saka lang ito tumigil nang tumapat sila sa sofa. May living room pala ang kwarto nito. May mga paintings na nakasab
