Halos alas onse na ng makarating sila ng Ilocos at sa ospital kung saan dinala ang Lolo niya sila tumuloy. Stable naman daw ang lagay nito ngayon ngunit kailangan pa ring i-monitor ayon sa doktor dahil sa pabago-bago ang blood pressure nito.
"Kami na muna ang magbabantay sa kanya, Ma." Wika ng inang si Hannah sa Lola niya. May isang mahabang sofa sa silid na iyon na pwedeng tulugan nito ngunit hindi komportable, kaya ipinahatid niya ito kay Manong Berto sa bahay. Naiwan silang mag-ina sa ospital para magbantay.
Kinabukasan ay maaga siyang bumili ng almusal nilang mag-ina sa labas ng compound ng ospital. May mga fastfood chain na rin naman ang bayang iyon pero pinili niyang bumili sa isang maliit na restaurant na lagi nilang kinakainan kapag umuuwi sila ng Ilocos. Noong maliit pa siya'y m
