Nakatulog ng ilang oras si Marga. Tumayo siya at muling tumanaw sa pintuan palabas ng balkonahe. Halos padilim na ang paligid. Kanina'y mas marami na siyang naaalala nang hindi na gaanong sumasakit ang ulo niya. May kumatok at bumungad ang mukha ng ina na nakangiti.
"Kumusta na ang pakiramdam mo?"
"Mas okay na ho kaysa sa dati. Mas marami na rin akong naaalala,"
"That's good news." Yumakap ang ina na naluluha pa rin. "Hindi maubos-ubos ang pasasalamat ko sa Diyos na bumalik ka sa amin, Marga." Gumanti siya ng yakap sa ina. "Tara sa ibaba at hapunan na. Nandiyan pa rin ang Uncle Zane ag Uncle Ezekeil mo."
Bumaba sila sa komedor kung saan naghihintay pati sina Anikka at Jayzee. Si Ethan ay katabi ng Daddy niya. Iniwas niya ang tingin.
"Hanggang saan na ang naalala mo?" tan
