Nagulat ang ama ng maaga siyang gumising kinabukasan. Pero sa halip na sa Daddy niya sumabay pagpasok ay sa Mommy niya dahil may usapan sila ni Jayzee na magkikita ngayon sa opisina nito. Wala naman silang usapan sa oras pero ipinasya niyang puntahan ito ng alas otso.
Dumaan muna siya sa coffeeshop para bilhan ng kape si Jayzee. Wala pa namang alas otso kaya doon niya na inubos ang inorder para sa sarili. Pagdating sa opisina ng Albano Corp. ay agad siyang dumeretso sa opisina ni Jayzee at nagbakasaling pumasok ito ng maaga. It's still seven forty five in the morning.
Walang tao sa table na dapat ay sa assistant nito pero may gamit nang nandoon kaya alam niyang dumating na rin ang tinutukoy ni Jayzee na nililigawan ni Ethan ngayon. Ipinasya niyang sumilip sa opisina ni Jayzee na ba
