"Handa ka na ba?" Tanong ni Anikka nang makitang nakabihis na ang babae. Mas matangkad ito sa kanya ng kaunti kaya't halos hindi umabot sa tuhod ang ipinahiram niyang sunday dress. Lalong lumitaw ang angkin nitong ganda at napansin niya agad ang paghanga sa mga mata ni Gabriel.
Halos isang buwan na itong nasa poder nila pero hindi pa rin ito nakakaalala maliban sa paminsan minsang flashbacks sa memory nito na agad din daw nawawala. Mas panatag na ang mukha nito kaysa dati, pero ngayon ay bumalik ang takot na mababanaag sa mukha nito. Ngayon nila ipinasyang dalhin ang babae sa bayan para itanong sa pulisya kung mayroon bang naghahanap dito.
"Tama ba ang gagawin natin?" tanong ni Gabriel sa kanya.
"Tinatanong mo ba 'yan dahil sa nakikita mong takot sa kanya ngayon? O dahil mas gu
