Tinanaw ni Gabriel ang babae na nasa silong ng acacia habang nakatanaw ito sa malayo. Napagmasdan niya ang kabuoan nito habang suot ang damit ng pinsan na si Anikka. Hindi maikakaila ang angking ganda nito sa kabila ng maraming pasa at sugat sa katawan. Halos isang linggo na mula nang makita ito ng ama sa gitna ng gubat, tumatakbo at tila takot na takot.
Wala itong maalala ayon sa Tatang niya nang tanungin niya ito at sinaklolohan. May sugat ito sa ulo na marahil ay tumama sa bato o kung anumang bagay. Kahit paano'y napalagay naman ang loob nito sa Tatang niya at sumama sa kanila. Pero hanggang ngayo'y hindi ito pa rin ito nagsasalita at nababahala sila.
"Ayos na ba ang tulay sa ilog, Gabriel?" tanong ng Tatang niya. Nasira kasi ang tulay na siyang tanging daan para makaluwas sil
