NAGKAMALI si Alexandra. Hindi kasi siya sa Rancho Villaruiz dinala ni Xander kundi sa ibang lugar na ngayon niya lang napuntahan. Pero hindi naman nalalayo ang lugar sa Rancho Villaruiz dahil malawak ang lupain. Subalit ang sa Rancho Villaruiz may parteng taniman ng mga kung ano-anong inaani, dito wala.
Buhat sa himpapawid ay puro puno at malawak na damuhan lang ang makikita. Mistulang pastulan dahil maraming kabayo, baka at kung ano-ano pang hayop na nagkalat sa malawak na lupain.
Berdeng-berde ang paligid na parang sa New Zealand. Pero ang higit na nagpamangha kay Alexandra ay nakakita siya ng waterfalls at may mga kubo-kubo malapit doon. Mga log house yata iyon kung hindi siya nagkakamali.
""Saang lugar kaya ito?"" sa isip ni Alexandra.
Hindi na muna nagtanong si Alexandra kay Xand
