MAGKAKASUNOD silang tatlo habang papasok sa loob ng bahay. Nauna ang kaniyang ama tapos nakasunod siya habang si Lawrence ay nasa likod naman niya. Subalit biglang natigilan ang kaniyang ama sa paghakbang dahil nakarinig sila ng sasakyang panghimpapawid. At palapag talaga iyon sa helipad ng Rancho Villaruiz.
""Sandali lang,"" ani Dylan.
Bumalik ang kaniyang ama sa labas. Naiwan silang dalawa ni Lawrence at nagkaroon si Alexandra ng pagkakataon na komprontahin ito sa ginawa. Pinamaywangan muna niya ito at tiningnan ng masama.
""Don't scare me with your murderous eyes, babe!""
""Atat ka rin 'no? Hindi ka ba marunong maghintay? Sana man lang hinayaan mong ako ang unang nagsabi sa kaniya!"" galit niyang wika.
""Kapag hindi ako magsasalita, ako naman ang mapapahiya sa daddy mo."" Pangangat
