Halos mapanganga ako noong naglalakad kami sa loob ng unibersidad na papasukan ni Ingrid. Pakiramdam ko ay nasa isang panibagong syudad kami. Paano, mayroong mga nagtataasang establisyimento rin dito. Pagpasok pa namin sa isang establisyimento ay idinikit namin ang mga ID namin sa isang maliit na scanner. Awtomatikong bumukas ang salamin na pinto roon. Napangiti ako nang malapad.
“Napaka ganda naman dito, Ingrid,” mahinang sabi ko. “Ganito ba lahat ng eskwelahan dito?”
“Nope. This is an exclusive school. So, not all school is like this. Yung mga afford lang ang tuition.”
“Ah. Gano’n ba?”
Napakamot ako sa ulo. Hinding-hindi ako makakapasok sa ganitong eskwelahan. Kahit siguro malaki ang sweldo ko sa pagiging bodyguard ni Ingrid ay hindi ko kakayanin na pumasok dito. Nakakainggit nam
