Walang humpay ang pagsuntok ko sa hangin. Ngayon ko na lang ito ulit ginawa kaya medyo mabagal pa ang mga galaw ko. Ngunit noong nakuha ko na ay unti-unting naging mabilis ulit ang mga pagsuntok ko. Tagaktak na ang pawis kong tumutulo mula sa ulo papunta sa katawan ko. Tanging shorts lang ang suot ko para mas maayos akong makagalaw.
Sa tanang buhay ko ay ngayon lang ako nakaramdam nang labis na pagkabigo. Ang sakit isipin na nawalan ako ng trabaho sa kadahilanang hindi ako nakatapos ng pag-aaral. Alam kong mali ang ginawa namin. Hindi ko naman gustong madamay si Kuya Daniel. Malaki ang naitulong niya sa akin. Pero bakit hindi nila maikonsidera ang trabaho ko? Oo nga’t wala akong pinag-aralan. Ngunit nagawa ko naman nang maayos ang trabaho ko. Madalas pa nga ako mag-overtime. Ang sakit la
