“Luna…”
Unti-unting napadilat ang mata ko nang marinig ko ang pamilyar na boses na iyon.
At pagkadilat nang mata ko ay nagulat ako nang makita ko ito.
“Buti naman at nagising ka na Luna,” tuwang-tuwa na ani nito at bakas sa mga mata nito ang labis na saya.
“Basti? Anong ginagawa mo rito---Aray!” napatigil ako sa pagsasalita nang napadaing ako sa sakit dahil sa pagbangon ko.
“Huwag ka munang bumangon. Hindi pa magaling ang sugat mo,” paalala nito sa akin at inalalayan pa ako nitong humiga nang maayos.
Napatingin naman ako sa kaniya na pawang nagtataka at napalibot pa ang tingin ko sa paligid.
“Nasa’n ako---”
Hindi ko pa natatapos ang sasabihin ko nang unahan na ako nito magsalita. Para talagang nahulaan nito kung ano ang tumatakbo sa isip ko.
“Nasa hospital ka Luna, may tama ka ng
