Napapikit na lang ako’t pinutok ang baril nang sunod-sunod sa nararapat nitong destinasyon.
Awtomatikong napamulat ang mata ko at nakita kong natamaan ko ang ulo ng estatwa, tumagos ang bala nito’t sapol na sapol. Gulat na gulat naman ako nang makita ko ito. ‘Di ko akalaing matatamaan ko ito.
Napadako naman ang tingin ko sa kaniya at kitang-kita sa mata nito ang labis na paghanga.
“Magaling ka na pa lang umasenta,” malalim na boses na saad niya.
Napailing naman ako nang sunod-sunod.
“Ngunit kailangan mo pang matutunan kung paano humawak ng baril,” dagdag pa nito’t naramdaman ko na lang na lumipat ito sa likuran ko.
Matinding kaba at halos ‘di ako makahinga sa lakas nang t***k ng puso ko. Lalo na nang hawakan nito ang kamay kong nakahawak ng baril.
Nanginginig ang mga daliri ko sa ‘
