Kinagabihan…
Napatingin sa paligid si Luna at napansin niyang wala si Dallas kung kaya’t agad-agad niyang hinakbang ang mga paa niya at hinanap kung saan puwede siya makalabas at makatakas.
Ngunit kailangan niyang tanggalin muna ang posas niya sa kaniyang kamay upang makakilos siya nang tama. Agad siyang nagtingin-tingin sa paligid at naghanap siya ng bagay na magpapatanggal sa posas nito.
Agad niyang hinanap ang kusina, nag-iingat naman siyang humahakbang upang hindi maglikha ng ingay at hindi siya mahuli ni Dallas.
Nakahinga siya nang maluwag nang matagpuan ang kusina. At dali-dali naman siyang pumasok doon at naghanap na ng kutsilyo o ‘di kaya kahit anong gamit na puwedeng makatanggal sa pagkakaposas niya.
Natuwa siya sapagkat may nakita siyang matalim na bagay na puwedeng makat
