“Ano sa tingin mo ang ginagawa mo? Bakit mo pa talaga dinala ang babaeng iyan dito?” galit na galit na sigaw ng isang babae kay Dallas.
Ngunit wala namang naging tugon si Dallas bagkos ay tiningnan lang niya ito nang matalim ngunit palaban ang babae sapagkat ginantihan niya rin ito nang palaban na tingin.
“Dallas, ano bang plano mo ha?” dagdag pa nito at kitang-kita sa mata nang babae ang matinding pagtataka.
Agad namang napaupo si Dallas at tiningnan ang babae na pawang nagkakamali ito sa pagsagot sa kaniya.
“Wala ka ng pakialam sa binabalak ko sa kaniya at sa kung anong gagawin ko sa kaniya kaya puwede ba umalis ka na rito?” walang kagatol-gatol na ani sa kaniya ni Dallas.
Hindi naman makapaniwala ang babae sa narinig nitong salita mula kay Dallas kung kaya’t nanlalaki ang mata niya
